Abhishek Ghosalkar : अभिषेक घोसाळकर हत्या प्रकरणात मोठी अपडेट, धक्कादायक माहिती आली समोर…

Abhishek Ghosalkar : मुंबईच्या दहिसर परिसरात गुरुवारी (ता.८) रोजी एक भयानक घटना घडली. शिवसेना ठाकरे गटाचे माजी नगरसेवक अभिषेक घोसाळकर यांची गोळ्या झाडून हत्या करण्यात आली. मॉरीस नोरोन्हो या व्यक्तीने त्यांच्यावर ५ गोळ्या झाडल्या. धक्कादायक बाब म्हणजे यानंतर आरोपीने स्वत:ला देखील संपवले.

सूत्रांनी दिलेल्या माहितीनुसार, मॉरिसवर अनेक गुन्हे दाखल आहेत आणि त्याने बलात्काराच्या आरोपाखाली तुरुंगात शिक्षाही भोगली होती. अभिषेक हे या भागाचे नगरसेवक राहिले आहेत. त्यांच्या पत्नी माजी नगरसेविका आहेत, तर अभिषेकचे वडील शिवसेनेच्या उद्धव ठाकरे गटाचे माजी आमदार आहेत. सू

त्रांनी सांगितले की, दोघांमध्ये वर्चस्वावरून बराच काळ तणाव होता. मात्र गेल्या काही महिन्यांपासून मॉरिसची अभिषेकसोबत जवळीक वाढू लागली होती. या संदर्भात गुरुवारी सायंकाळी मॉरिस यांनी अभिषेकला नियोजनबद्ध पद्धतीने आपल्या कार्यालयात बोलावले. दोघांनीही फेसबुक लाईव्हच्या माध्यमातून आपापल्या कटू तक्रारी सोडवण्याबाबत आणि समाजसेवेत एकत्र काम करण्याबाबत चर्चा केली, पण मॉरिस आपला जीव घेईल हे अभिषेकला माहीत नव्हते. Abhishek Ghosalkar

गोळीबाराचा आवाज ऐकून अभिषेकचे समर्थक त्याच्या मदतीला धावून आले आणि त्यांनी त्याला गंभीर अवस्थेत जवळच्या रुग्णालयात नेले. मॉरिसने अभिषेकवर एकापाठोपाठ सहा राऊंड फायर केले, त्यापैकी तीन गोळ्या अभिषेकला लागल्या.

अभिषेकवर गोळी झाडल्यानंतर आरोपी मॉरिस त्याच्या ऑफिसच्या पहिल्या मजल्यावर गेला आणि १०-१५ मिनिटांनी स्वतःवर गोळी झाडली. या गोळीबारात दोघांचा मृत्यू झाल्याची माहिती पोलिसांनी दिली.

दरम्यान, घटनास्थळावरून आम्ही पुरावे ताब्यात घेतले असून हत्या प्रकरणाचा सर्व बाजूंनी तपास केला जाईल, असंही गुन्हे शाखेने स्पष्ट केलं आहे. त्यामुळे या प्रकरणात आता आणखी काय नवीन माहिती समोर येणार? हे पाहणं महत्वाचं ठरणार आहे. मात्र, या घटनेनं मुंबईसह संपूर्ण महाराष्ट्रात खळबळ उडवून दिली आहे.