तोंडी तलाक देऊन दुसरे लग्न करणाऱ्यावर पिंपरी पोलीस ठाण्यात गुन्हा दाखल

पिंपरी : तीनवेळा तलाक बोलून घटस्फोट देत दुसरे लग्न करणा-याविरूद्ध गुन्हा दाखल करण्यात आला आहे. हा प्रकार पिंपरीतील मासुळकर कॉलनी येथे घडला.

याप्रकरणी पती अकीब आसिफ खान (वय ३१), सासरे आसिफ अब्दुल्ला खान (वय ६२, दोघे रा. मासुळकर कॉलनी, पिंपरी) यांच्यासह तीन महिलांविरोधात गुन्हा दाखल करण्यात आला आहे. याबाबत महिलेने पिंपरी पोलीस ठाण्यात फिर्याद दिली आहे.

मिळालेल्या माहिती नुसार,आरोपींनी नणदेच्या लग्नासाठी फिर्यादीकडे माहेराहून पाच लाख रुपये आणण्यासाठी तगादा लावला. मानसिक व शारीरिक त्रास दिला. पती अकीब याने तीनवेळा तलाक बोलून फिर्यादीला माहेरी हाकलून दिले. फिर्यादीच्या संमतीशिवाय दुसरे लग्न केले. या घटनेचा तपास पिंपरी पोलीस करीत आहेत.