राष्ट्रवादीला मोठं खिंडार, बारामती लोकसभेतील माजी आमदार भाजपमध्ये जाणार…

बारामती : भाजपच्या मिशन बारामतीमध्ये पुणे जिल्ह्यातील राष्ट्रवादी काँग्रेसचा बडा मासा भाजपच्या गळाला लागला आहे.
राष्ट्रवादी काँग्रेसचे पुरंदर हवेलीचे माजी आमदार अशोक टेकवडे हे भाजपमध्ये प्रवेश करणार आहेत.

यामुळे राष्ट्रवादीला हा एक मोठा धक्का मानला जात आहे. उद्या भाजप प्रदेशाध्यक्ष चंद्रशेखर बावनकुळे यांच्या उपस्थितीमध्ये अशोक टेकवडे कमळ हाती घेणार आहेत.

दरम्यान, पुरंदरमधील भाजप पदाधिकारी यांच्या उपस्थितीत भाजप प्रदेश कार्यालयात मी व माझा मुलगा अजिंक्य टेकवडे व काही कार्यकर्ते मिळून आम्ही पक्ष प्रवेश करीत आहोत, असे टेकवडे यांनी सांगितले.

यामुळे येणाऱ्या लोकसभा निवडणुकीत राष्ट्रवादीला याचा फटका बसणार आहे. यामुळे याकडे सर्वांचे लक्ष लागले आहे.