CBSE Board Exam 2025 : सीबीएसई बोर्डाने जाहीर केलं दहावी बारावीचं वेळापत्रक, जाणून घ्या पूर्ण वेळापत्रक…

CBSE Board Exam 2025 : सीबीएसईने इयत्ता १०वी आणि १२वी बोर्डाच्या परीक्षांचे विषयनिहाय वेळापत्रक जारी केले आहे. सीबीएसईच्या दहावी आणि बारावीच्या दोन्ही परीक्षा १५ फेब्रुवारीपासून सुरू होणार आहेत.

तसेच १५ फेब्रुवारी २०२५ पासून या परीक्षांना सुरुवात होणार आहे. इयत्ता १०वीची परीक्षा १८ मार्चला तर,१२वीची परीक्षा ४ एप्रिलला संपणार आहे. सीबीएसई १०वी,१२वीच्या परीक्षेचे पेपर सकाळी १०.३० वाजता सुरू होतील आणि दुपारी १.३० वाजता संपतील.

सीबीएसईने मुख्य परीक्षेचे वेळापत्रक गेल्या वर्षीच्या तुलनेत लवकरच म्हणजे २३ दिवस आधी प्रसिद्ध केले आहे. सीबीएसई बोर्डने इयत्ता १० वी आणि १२वी परीक्षांचे वेळापत्रक अधिकृत वेबसाइट cbse.gov.in वर प्रसिद्ध केले आहे. तसेच Date Sheet Main Exam pdf पाहू शकता.

या वर्षी, सीबीएसई बोर्ड परीक्षा २०२५ भारतातील ८,००० शाळांसह २६ परदेशी देशांतील ४४ लाखांहून अधिक विद्यार्थ्यांसाठी आयोजित केली जाणार आहे. या परीक्षा देण्यासाठी विद्यार्थ्यांना किमान ७५% उपस्थिती आवश्यक असेल.

जेईई मेन आणि नीट सारख्या प्रवेश परीक्षांच्या वेळापत्रकाचा विचार करून बारावीच्या परीक्षा तारखा निश्चित करण्यात आल्या आहेत, असे बोर्डाने एका नोटीसमध्ये स्पष्ट केले आहे. CBSE Board Exam 2025

एकाच विद्यार्थ्याने दोन विषयांच्या परीक्षा एकाच दिवशी दिल्या जाऊ नयेत, यासाठी ४० हजारांहून अधिक विषयांची सांगड घालून वेळापत्रक तयार करण्यात आले. वेळापत्रकानुसार, दहावीची परीक्षा १५ फेब्रुवारीपासून सुरू होईल आणि पहिला पेपर इंग्रजीचा असेल. तसेच12वीची परीक्षा ही १५ फेब्रुवारीपासून सुरू होणार आहे.

 

सीबीएसई बोर्ड इयत्ता १०वीचे वेळापत्रक…..

विषय                                                              तारीख

इंग्रजी संभाषण/इंग्रजी भाषा आणि साहित्य         15 फेब्रुवारी 2025

विज्ञान                                                          20 फेब्रुवारी 2025

फ्रेंच/संस्कृत                                                   22 फेब्रुवारी 2025

सामाजिक शास्त्र                                            25 फेब्रुवारी 2025

हिंदी अभ्यासक्रम A/ B                                   28 फेब्रुवारी 2025

गणित                                                           10 मार्च 2025

माहिती तंत्रज्ञान                                                18 मार्च 2025

 

सीबीएसई बोर्ड इयत्ता १२वीचे वेळापत्रक…..

विषय                                                           तारीख

शारीरिक शिक्षण                                        15 फेब्रुवारी 2025

भौतिकशास्त्र                                             21 फेब्रुवारी 2025

व्यवसाय अभ्यास                                        22 फेब्रुवारी 2025

भूगोल                                                      24 फेब्रुवारी 2025

रसायनशास्त्र                                           27 फेब्रुवारी 2025

गणित – मानक / उपयोजित गणित              8 मार्च 2025

इंग्रजी इलेक्टिव्ह/इंग्रजी कोर                      11 मार्च 2025

अर्थशास्त्र                                                19 मार्च 2025

राज्यशास्त्र                                              22 मार्च 2025

जीवशास्त्र                                               25 मार्च 2025

अकाउंटन्सी                                          26 मार्च 2025

इतिहास                                              1 एप्रिल 2025

मानसशास्त्र                                         4 एप्रिल 2025