Sharad Mohol : ब्रेकिंग! लग्नाच्या वाढदिवसीच गुंड शरद मोहोळ याचा गोळीबारात मृत्यू, कोथरुडमध्ये घडला थरार..

 Sharad Mohol : पुणे शहरात भरदिवसा गोळीबार झाला आहे. पुण्यातील उच्चभ्रू रहिवाशांचा परिसर असलेल्या कोथरूड परिसरात हा गोळीबार झाला. कुख्यात गुंड शरद मोहोळवर आज (ता.५) दुपारी अज्ञातांना गोळीबार केला होता. या हल्ल्यात मोहोळ गंभीर जखमी झाला होता. मात्र उपचार सुरु असतानाच शरद मोहोळचा मृत्यू झाला आहे.

आज मोहळच्या लग्नाचा वाढदिवस होता त्याच दिवशी त्याचा खून करण्यात आला आहे. दिवसाढवळ्या झालेल्या हत्येनंतर पुण्यात दहशतीचं वातावरण निर्माण झाले आहे. घटनेची माहिती मिळताच पोलिसांनी घटनास्थळी धाव घेऊन तपास सुरु केला आहे. हा हल्ला टोळीयुद्धतून झाल्याचा अंदाज व्यक्त केला जात आहे. Sharad Mohol

शरद मोहोळ कोण आहे?

मोहोळने येरवडा कारागृहात विवेक भालेरावच्या साथीने दहशतवादी कृत्यांमध्ये सहभागी असल्याचा आरोपी कतील सिद्दीकीचा खून केला होता. या प्रकरणात जामीनही मिळाला होता. जुलै २०२२ मध्ये मोहोळला पुणे जिल्ह्यातून सहा महिन्यांसाठी तडीपारही करण्यात आले होते.

शरद मोहोळ हा पुण्यातील कुख्यात गुन्हेगार असून, त्याच्यावर हत्या, हत्येचा प्रयत्न, खंडणी, अपहरण यांसारखे अनेक गंभीर गुन्हे दाखल आहेत. मोहळला पिंटू मारणे हत्येप्रकरणात अटक करण्यात आली होती. त्यानंतर त्याला या प्रकरणात जामीन मिळाला होता. मात्र, दासवे गावचे सरपंच शंकर धिंडले यांच्या अपहरणात त्याला पुन्हा अटक झाली होती.

पत्नी राजकारणात अन् पती कुख्यात गुन्हेगार

पुण्यात गुन्हेगारी क्षेत्रात दोन गॅंगचंच वलय असल्याचे ऐकायला मिळत. त्यातील एक म्हणजे मारणे गॅंग आणि दुसरी म्हणजे मोहोळ गॅंगस्टर शरद मोहोळ याच गॅंगचा म्होरक्या आहे. शरद मोहोळने आत्तापर्यंत अनेक हत्या, हत्येचा प्रयत्न, खंडणीसह अपहरणाचे गुन्हे केले असल्याच्या नोंदी पोलिस ठाण्यात आहेत.

शरद मोहोळ याच्यावर दाखल असलेल्या गुन्ह्यांच्या खटल्यांमधून सध्या तो जामिनावर बाहेर असल्याचं सांगितलं जात आहे. बाहेर आल्यानंतर शरद मोहोळने सरपंच शंकर धिंडले यांचे त्याने अपहरण केले होते.

या अपहरणाच्या गुन्ह्यामध्ये शरद मोहोळला अटक करण्यात आली. याचदरम्यान त्याने येरवड्यात कातिल सिद्धीकीचा खून केल्याचा आरोप ठेवण्यात आला आहे. या प्रकरणात मागील वर्षी शरद मोहोळला जामीन मिळाले.

दरम्यान, शरद मोहोळ याच्यावर कोथरुड येथील सुतारदरा भागात दुपारी साधारण दीड वाजण्याच्या सुमारास अज्ञात हल्लेखोराकडून तीन गोळ्या झाडण्यात आल्या. त्यामुळे शरद मोहोळ गंभीररित्या जखमी झाला होता.

त्याला तातडीने नजीकच्या खासगी रुग्णालयात दाखल करण्यात आले. मात्र, उपचारादरम्यान शरद मोहोळचा मृत्यू झाला. या घटनेनंतर पुणे पोलिसांचे पथक घटनास्थळी पोहोचले असून तपासाला सुरुवात झाली आहे.