भयंकर! 24 वर्षांचा तरुण आणि अल्पवयीन मुलगी, प्रेमाचा अंगावर काटा आणणारा प्रकार, घटनेने पुणे हादरलं…
पुणे : पुण्यातून धक्कादायक घटना समोर आली आहे. एका 15 वर्षीय मुलीने घरामध्येच बाळाला जन्म देऊन स्वतःच नाळ कापल्याची हादरवणारी घटना समोर आली आहे. सध्या या मुलीसह तिच्या बाळावर हॉस्पिटलमध्ये उपचार सुरू आहेत. या
प्रकरणी पोलीस ठाण्यातही गुन्हा दाखल करण्यात आलाआहे. संबंधित मुलीच्या मोठ्या बहिणीने पोलिसात फिर्याद दिली होती, त्यानुसार आदिल फारुख शेख (वय 24 वर्ष) या तरुणाविरोधात गुन्हा दाखल करण्यात आला आहे. ही घटना मार्च 2025 ते 31 जानेवारी 2026 या कालावधीत घडल्याचे फिर्यादीत म्हटलं आहे.
पोलिसांनी दिलेल्या माहितीनुसार, फिर्यादी महिलेचा विवाह झालेला आहे, 31 जानेवारी रोजी सकाळच्या सुमारास त्या माहेरी आल्या होत्या. पण घराचा दरवाजा आतून बंद असल्याचे त्यांना आढळलं. थोड्या वेळाने भाऊ आल्यानंतर आवाज दिल्यानंतर लहान बहिणीने दरवाजा उघडला.
घरात प्रवेश करताच फरशीवर तसेच दरवाजाजवळ रक्ताचे डाग आढळले. घरामध्ये रक्त पाहून ही मंडळी हादरली होती. धक्कादायक बाब म्हणजे घरातील खिडकीजवळ एक नवजात बाळ ठेवलेले दिसल्याने त्यांना अधिकच धक्का बसला.
याबाबत लहान बहिणीला विश्वासात घेऊन विचारणा केली असता, तिने घरातच डिलिव्हरी झाल्याचे सांगितले. इतकंच नव्हे तर बाळाची नाळ देखील स्वतःच कापल्याचं तिने सांगितलं. आई आणि आत्या घरी आल्यानंतर मुलीने मागील वर्षाभरापासून आदिल शेख याच्याबरोबर प्रेमसंबंध असल्याचे सांगितले.
या काळात दोन ते तीन वेळा शरीरसंबंध झाल्याचेही तिने नमूद केल्याचे फिर्यादीत म्हटलं गेलंय. दरम्यान कुटुंबीयांनी तातडीने मुलीला आणि बाळाला हॉस्पिटलमध्ये दाखल केले आणि दोघांवर सध्या उपचार सुरू आहेत.
